【元朗襲擊】32年在職公務員批從未見過政府管理咁差　必須設獨立調查委員會徹查事件

《逃犯條例》修訂爭議未平息，上周日(21日)元朗西鐵站又有大批白衣人暴打市民，造成至少45人受傷。已做了32年公務員、在元朗區居住10多年的葉先生今早(26日)致電商台《在晴朗的一天出發》坦言，從未見過政府管理咁差，一定要設獨立調查委員會徹查事件。

公務員葉先生透露，很多公務員都感到憤怒，「因為我哋政府阿頭令到公務員蒙羞」，黃竹坑民政事務局日前已有公務員罷工一天，他亦支持公務員罷工、僅提供有條件服務

如果香港人齊心、政府一定要聽，因為林鄭需要聽18萬公務員的聲音！

他又表示，上星期已收到WhatsApp指有人會在元朗雞地聚集打黑衣人，他質疑「警察點會收唔到情報」，認為不能讓警察查警察，一定要設獨立調查委員會徹查事件。

另一名不便透露姓名、即將退休的紀律部隊人員亦表示，上周日女兒亦在元朗西鐵站無辜被白衣人打，他本來想出來講公道說話，但其上司稱：「嗰件事唔關你事，你最好唔好出聲」，即使他說其女兒是受害者，上司亦只著我叫女兒去報案，他坦言愧對女兒，又指全港市民都認為要成立獨立調查委員會，「只有一班係保皇認為唔需要」：

呢啲所謂白衣人、黑社會，一般做完嘢快閃就走，點可能會打足咁耐而無一個差人呢？他們係肆無忌憚咁做！全港有3萬幾個警察，中上環我俾你調撥3000個，你會唔會話俾我聽，有咁大型傷人事件而無任何調動呢？唔只係(警隊)部署(出問題)，而係俾我哋有一個猜測有一個默許，令屯門、元朗、天水圍居民仲邊有信心住落去？全港市民只活在惶恐之中！